बुद्धभुमी नेपाल हाइड्रोपावर कम्पनी लिमिटेडले यही फाल्गुन ०५ गते (आज) १४ औँ वार्षिक साधारण सभा गर्दै छ। कम्पनीले साधारण सभा वालटन बिस्ट्राे एण्ड बान्क्वेट, पानीपाेखरीमा बिहान ११:०० बजे देखि आरम्भ हुने जानकारी दिएको छ।
सभाले आर्थिक वर्ष (आ.व) २०७७/०७८ तथा २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७७/०७८ तथा २०७८/०७९ को नाफा नोक्सान हिसाब र नगद प्रवाह विवरण सहितका अनुसूचीहरू उपर छलफल गरी पारित गर्ने र आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
साथै सभाले यस कम्पनीको आफ्नो चुक्ता पुँजी र सञ्चित मुनाफा भन्दा बढी हुने गरी लिएको ऋण अनुमोदन गर्ने सम्बन्धी विशेष प्रस्ताव पारित गर्नेछ ।
कम्पनीले साधारण सभाको प्रयोजनको लागि माघ १९ गते एक दिनको लागि बुक क्लोज गरिसकेको छ। सो आधारमा माघ १८ गतेसम्म कायम शेयरधनीले साधारण सभामा भाग लिन सक्नेछन् ।
