माछापुच्छ्रे बैङ्क लिमिटेडले पौष २९ गते (आज) २४ औँ वार्षिक साधारण सभा गर्ने भएको छ। बैङ्कले साधारण सभा सभा मण्डप, आर्मी अफिसर्स क्लब, भद्रकाली, काठमाण्डाैँमा बिहान ११:०० बजे देखि आरम्भ हुने जानकारी दिएको छ।
सभाले आर्थिक वर्ष (आ.व.) २०७८/०७९ को वार्षिक प्रतिवेदन उपर छलफल गरी पारित गर्ने र आ.व. २०७९/०८० को लेखापरीक्षण गर्नका लागि लेखा परीक्षकको नियुक्ति र निजको पारिश्रमिक पनि सोही सभाले पारित गर्नेछ।
सभाले आ.व २०७८/०७९ को वासलात तथा नाफा नोक्सान बाँडफाँड तथा नगद प्रवाह विवरण लगायतका सम्पूर्ण वित्तीय विवरणहरू पारित गर्नेछ ।
माछापुच्छ्रे बैङ्क लिमिटेड र अन्य उपयुक्त बैङ्क तथा वित्तीय संस्थाहरू एक आपसमा गाभ्न/गाभिन तथा वैदेशिक रणनीतिक साझेदारीमा जान उपयुक्त देखिएमा बैङ्कको चल अचल सम्पत्ति र दायित्व तथा कारोबारको मूल्याङ्कनका लागि मूल्याङ्कनकर्ता नियुक्त गर्न, गाभ्ने र गाभिने वा प्राप्ति गर्ने सम्बन्धी सम्झौता गर्न, वैदेशिक साझेदारीमा जाने सम्बन्धी निर्णय गर्न तथा सो सम्बन्धी आवश्यक सम्पूर्ण कार्य अगाडि बढाउन सञ्चालक समितिलाई अख्तियारी प्रदान पनि सोही सभाले गर्नेछ ।
बैङ्कले साधारण सभाको प्रयोजनका लागि पौष १७ गते एक दिनको लागि बुक क्लोज गरिसकेको छ। सो आधारमा पाैैष १४ गतेसम्म कायम शेयरधनीले साधारण सभामा भाग लिन सक्नेछन् ।
