आईएमई लाइफ इन्स्योरेन्स कम्पनी लिमिटेडले यही असोज २६ गते (आज) पाँचौँ वार्षिक साधारण सभा गर्दै छ। कम्पनीले साधारण सभा लैनचौर बैङक्वेट्स लैनचौर, काठमाडौंमा बिहान ११:०० बजे देखि आरम्भ हुने जानकारी दिएको छ।
सभाले आर्थिक वर्ष (आ.व.) २०७७/०७८ को वार्षिक प्रतिवेदन उपर छलफल गरी पारित गर्ने र आ.व. २०७८/०७९ को लागि लेखा परीक्षकको नियुक्ति र निजको पारिश्रमिक पनि सोही सभाले निर्धारण गर्ने छ।
अन्य प्रस्तावहरूमा कम्पनीले नियमनकारी निकाय बीमा समितिकाे निर्देशन बमाेजिम संस्थापक शेयरधनीबाट हाल कायम रहेकाे चुक्ता पुजीँकाे शत प्रतिशत बराबरको शेयर पुजीँ पुन:थप गर्ने, कम्पनीकाे प्रबन्धपत्र तथा नियमावलीमा संशाेधन गर्ने तथा सर्वसाधारणलाई छुट्टाईएकाे शेयर जारी गर्ने आदि रहेका छन्।
