ज्ञानमाण्डू। धितोपत्र बजारमा आज शेयर कारोवार मापक नेप्से परिसूचक दोहोरो अङ्कले वृद्धि भएको छ । नेपाल स्टक एक्सचेञ्जका अनुसार नेप्से परिसूचक २९ दशमलव ५५ अंकले बढेर २८५६ दशमलव ६७ को विन्दुमा कायम भएको छ । यस्तै सेन्सेटिभ परिसूचक ७ दशमलव ९६ अंकले बढेर ५१३ दशमलव ११ को विन्दुमा पुगेको छ ।
आज कूल २१८ कम्पनीका ३ करोड ४६ लाख ९१ हजार ३१२ कित्ता शेयर रु १६ अर्ब ९० करोड ७० लाख २० हजार २८६ मा खरिद बिक्री भए ।
कारोबार भएका कूल १३ उपसमूह मध्ये चार उपसमूहको शेयर ऒरालो लागेको छ । बैंकिङ उपसमूह ५० दशमलव २५ अङ्कले बढ्दा होटल तथा पर्यटन उपसमूह ११७.११ अङ्कले, विकास बैंक उपसमूह १४६.०२ अङ्कले, वित्त उपसमूह ६२.८५ अङ्कले, उत्पादन उपसमूह ७१.२४ अङ्कले, लघुवित्त उपसमूह ४०.३५ अङ्कले, जीवन बीमा ५.१२ अङ्कले, सामूहिक लागनी कोष शुन्य दशमलव १९ अङ्कले र लगानी उपसमूह शुन्य दशमलव ०७ अङ्कले बढेको छ । यता, ट्रेडिङ उपसमूह ९.६८ अङ्कले घट्दा जलविद्युत ६०.०३ अङ्कले, निर्जीवन बीमा ११३.३ अङ्कले र अन्य उपसमूह १५.९१ अङ्कले घटेको छ।
