एमएडब्लू वृद्धिले सोल्टी होटेलमा आज आयोजित एक भव्य समारोहमा आफ्नो अपग्रेड गरिएको र थप शक्तिशाली इलेक्ट्रिक एसयुभी डीपल S07L सार्वजनिक गरेको छ। नेपालमा ७५० युनिट बिक्रीको प्रभावशाली कोशेढुङ्गा पार गरिसकेको भविष्यमुखी र प्राविधिक रूपमा उन्नत डीपल S07 को अभूतपूर्व सफलतामा निर्मित डीपल S07L ले उन्नत प्रदर्शन, विस्तारित दायरा र अत्याधुनिक सुविधाहरूको साथ विद्युतीय गतिशीलतालाई पुनः परिभाषित गर्ने वाचा गर्दछ।
चम्किलो अनावरण कार्यक्रम
एमएडब्लू वृद्धिका अध्यक्ष विष्णु अग्रवाल, डीपलका स्टार ब्रान्ड एम्बेसडर र क्यानका सचिव पारस खड्का र एमएडब्लू वृद्धिका प्रबन्ध निर्देशक विवेक सिकरियाद्वारा डिपल S07L अनावरण गरिएको थियो। कार्यक्रममा बोल्दै विष्णु अग्रवालले प्रिमियम उत्पादन, उन्नत प्रविधि र उत्कृष्ट आफ्टर सेल्स सेवाहरू मार्फत ग्राहक अनुभवहरू वृद्धि गर्ने एमएडब्लूको प्रतिबद्धतामा जोड दिनुभयो।
“हामीले ९१ वटा चार्जिङ स्टेसनहरू स्थापना गरेका छौँ जुन नेपालको सबैभन्दा ठुलो नेटवर्क हो। यो ईभी स्वामित्वलाई निर्बाध र सुविधाजनक बनाउने एमएडब्लू वृद्धिको प्रतिबद्धताकै एक हिस्सा हो,” अग्रवालले भन्नुभयो । उहाँले सवारी साधनप्रतिको विश्वास र सकारात्मक प्रतिक्रियाको लागि ग्राहकहरूलाई धन्यवाद पनि दिनुभयो।
विस्तारित दायरा र शक्तिशाली प्रदर्शन
डीपल S07L ले १६० किलोवाट रियर-ह्वील ड्राइभ मोटरको साथमा ईभी बजारमा नयाँ बेन्चमार्क सेट गर्छ जुन ७९.९ kWh को बलियो ब्याट्री प्याकसँग जोडिएको छ। यो पावर हाउस संयोजनले सिङ्गल चार्जमा असाधारण ४८५ kM WLTP को दायरा प्रदान गर्दछ जसले लामो दूरीको यात्रालाई चिन्तामुक्त बनाउँछ। S07L को १८० km/h को उच्चतम गति र केवल ६.६ सेकेन्डमा ०-१०० km/h को रोमाञ्चक एक्सेलेरेशनबाट गति उत्साहीहरू रोमाञ्चित हुनेछन् जसले यसलाई सहरी यात्रा र राजमार्गको साहसिक यात्रा दुवैको लागि एक उत्तम साथी बनाउँछ।
उन्नत डिजाइन र प्रविधि
आफ्नो पूर्ववर्तीको विरासतलाई अगाडि बढाउँदै डिपल S07L मा बोल्ड र परिष्कृत डिजाइन रहेको छ। यसका मुख्य विशेषताहरूमा फ्रेमलेस ढोका, २० इन्चको अलोय ह्वील, क्वालकम स्न्यापड्रागन ८१५५ चिपद्वारा सञ्चालित १५.६ इन्चको टच स्क्रिन, अगमेन्टेड रियालिटी (AR) हेड-अप डिस्प्ले, जेस्चर कन्ट्रोल, वेलकम सिट, DAS २.५ र अन्य धेरै कुराहरू समावेश छन्।
एमएडब्लू वृद्धिले १५ दिनको लागि मात्र ने.रु. ८१.९९ लाखको परिचयात्मक मूल्यमा डीपल S07L को लागि विशेष अफर घोषणा गरेको छ। यस अवधि पछि मूल्य बढेर ने.रु. ८४.९९ लाख हुनेछ।
डीपल टेस्ट ड्राइभ क्याम्प
डीपल S07L को सुरुवातको अवसरमा एमएडब्लू वृद्धिले माघ ५ देखि १२ गतेसम्म शोरूममा टेस्ट ड्राइभ अभियान सुरु गर्दै छ। अभियानमा ८१.९९ लाख रुपैयाँको परिचयात्मक मूल्य, उत्कृष्ट रिकन्डिसन हाउसहरूबाट उत्कृष्ट एक्सचेन्ज मूल्य, नि:शुल्क सडक कर, नि:शुल्क अटो प्लस बीमा र नि:शुल्क ७ किलोवाट चार्जर समावेश छ।
