धितोपत्र बजारमा आज शेयर कारोबार मापक नेप्से परिसूचक दोहोरो अङ्कले घटेको छ । नेपाल स्टक एक्सचेन्जका अनुसार नेप्से परिसूचक ३२ दशमलव ७७ अङ्कले घटेर २१०९ दशमलव १० को विन्दुमा कायम भएको छ। यस्तै सेन्सेटिभ परिसूचक ६ दशमलव ०० अङ्कले घटेर ३९६ दशमलव ६२ को विन्दुमा पुगेको छ ।
आज कूल ३०४ कम्पनीहरूका १ करोड ७१ लाख ७२ हजार १४९ कित्ता शेयर रु. ६ अर्ब २७ करोड ४३ लाख २४ हजार ८११ मा खरिद बिक्री भए ।
कारोबार भएका कूल १३ उपसमूहहरू मध्य उत्पादन उपसमूह १४२.०० अङ्कले र ट्रेडिङ उपसमूह १७.३३ अङ्कले बढेका छन् । यता, बैङ्किङ उपसमूह २३ दशमलव ४३ अङ्कले घट्दा विकास बैङ्क उपसमूह १३५ दशमलव १६ अङ्कले, वित्त उपसमूह ५८.३६ अङ्कले, होटेल तथा पर्यटन उपसमूह १७८.६१ अङ्कले, जलविद्युत उपसमूह ७.९३ अङ्कले, लगानी उपसमूह उपसमूह १.३५ अङ्कले, जीवन बिमा उपसमूह ३२९.०५ अङ्कले, लघुवित्त उपसमूह ७८.१३ अङ्कले, सामूहिक लगानी कोष शून्य दशमलव २७ अङ्कले, निर्जीवन बिमा ८२.२८ अङ्कले र अन्य उपसमूह २३.१९ अङ्कले घटेका छन् ।
धितोपत्र बजारमा १ करोड ७१ लाख ७२ हजार १४९ कित्ता शेयर कारोबार
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
