बेसिक नेटवर्किङ तथा अपरेटिङ सिस्टमको निःशुल्क तालिम

समृद्धि स्कुलको स्वामित्व तथा व्यवस्थापनमा सञ्चालित वनस्थली, बालाजु स्थित काठमाडौँ बिजनेश क्याम्पसले कक्षा १२ उत्तीर्ण गरेका विद्यार्थीहरूलाई एक महिने बेसिक नेटवर्किङ तथा अपरेटिङ सिस्टमको निःशुल्क तालिम सञ्चालन गर्ने भएको छ । यही आउँदो भदौ २१ गते बिहीबार देखि दैनिक डेढ घण्टा सैद्धान्तिक तथा व्यावहारिक तरिकाले सिस्को सिस्टम्स बाट मान्यता प्राप्त प्रशिक्षकले सो तालिम कार्यक्रम सञ्चालन गर्दै छ ।

अहिलेको डिजिटल विश्वमा सूचना प्रविधिको क्षेत्रमा उच्च शिक्षा अध्ययन गर्नेहरूका लागि तथा सो क्षेत्रमा काम गर्न चाहनेहरूका लागि नेटवर्किङ तथा अपरेटिङ सिस्टमको ज्ञान र सिप अति महत्त्वपूर्ण र आवश्यक छ र यसै उद्देश्यका साथ सो निःशुल्क तालिम सञ्चालन हुँदै छ । सो तालिम सफलतापूर्वक सम्पन्न गरेपछि प्रशिक्षार्थिहरूले विस्तृत रूपमा नेटवर्किङ तथा अपरेटिङ सिस्टमको सैद्धान्तिक र व्यावहारिक ज्ञान र सिप हासिल गर्नेछन् । सो तालिममा सहभागी भई सफल हुने प्रशिक्षार्थिहरूले सिस्को सिस्टम्सले प्रदान गर्ने प्रमाणपत्र पाउने छन् । १२ कक्षा उत्तीर्ण भई सूचना प्रविधिको क्षेत्रमा उच्च शिक्षा हासिल गर्न चाहने व्यक्तिहरूले फोन नं. ९८५११३६१५७ मा सम्पर्क गरी निःशुल्क भर्ना तथा तालिम गर्न सक्नेछन् ।