धितोपत्र बजारमा आज शेयर कारोबार मापक नेप्से परिसूचक एकल अङ्कले घटेको छ । नेपाल स्टक एक्सचेन्जका अनुसार नेप्से परिसूचक ३ दशमलव ६१ अङ्कले घटेर २०७७ दशमलव २४ को विन्दुमा कायम भएको छ। यस्तै सेन्सेटिभ परिसूचक शून्य दशमलव ०६ अङ्कले बढेर ३९८ दशमलव १३ को विन्दुमा पुगेको छ ।
आज कूल २७९ कम्पनीहरूका ५४ लाख १७ हजार ९२८ कित्ता शेयर रु. २ अर्ब ०९ करोड १३ लाख ९० हजार ६३८ मा खरिद बिक्री भए ।
कारोबार भएका कूल १३ उपसमूहहरू मध्य बैङ्किङ उपसमूह ६ दशमलव ८७ अङ्कले, विकास बैङ्क उपसमूह १ दशमलव १३ अङ्कले, उत्पादन उपसमूह ३७.१९ अङ्कले, लघुवित्त उपसमूह १४.२४ अङ्कले, सामूहिक लगानी कोष शून्य दशमलव ०८ अङ्कले बढेका छन् । यता वित्त उपसमूह ५.४६ अङ्कले घट्दा होटेल तथा पर्यटन उपसमूह ९२.६८ अङ्कले, जलविद्युत उपसमूह ३६.०४ अङ्कले, लगानी उपसमूह उपसमूह शून्य दशमलव १७ अङ्कले, जीवन बिमा उपसमूह ५.७१ अङ्कले, निर्जीवन बिमा १०६.३१ अङ्कले, अन्य उपसमूह १०.१६ अङ्कले र ट्रेडिङ उपसमूह ४१.३० अङ्कले र घटेका छन् ।
धितोपत्र बजारमा ३.६१ अङ्कको गिरावट, नेप्से २०७७.२४ को विन्दुमा
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
