ज्ञानमाण्डू।नेपाल स्टक एक्सचेन्ज (नेप्से) ले आइतबार बैशाख २६ गते, प्रभु इन्स्योरेन्स लिमिटेडको शेयरमूल्य समायोजन भएको जानकारी दिएको छ। नेप्सेले आइतबार प्रभु इन्स्योरेन्स लिमिटेडको बोनस शेयर पछिको भाउ समायोजन गरेको जानकारी दिएको छ।
नेप्सेले आइतबार प्रभु इन्स्योरेन्स लिमिटेडको १० प्रतिशत बोनस शेयर पछिको भाउ समायोजन गरेको हो। शेयरमूल्य समायोजनपश्चात प्रभु इन्स्योरेन्सको शेयरमूल्य ८८४ रुपैयाँ निर्धारण भएको छ।
सोही मूल्यलाई आधार मानेर आइतबार प्रभु इन्स्योरेन्स लिमिटेडको शेयर कारोबार खुला हुनेछ । नेप्सेले इन्स्योरेन्सको अघिल्लो कारोबारी दिन अर्थात बिहिबारको अन्तिम कारोबार मूल्य धितोपत्र बजारमा प्रतिकित्ता ९७२ रुपैयाँका आधारमा भाउ समायोजन गरेको हो ।
इन्स्योरेन्सको आर्थिक वर्ष २०७६/७७ को नाफाबाट हाल कायम चुक्ता पुँजीको १०% बोनसशेयर र कर प्रयोजनको लागि ०.५३% नगद लाभांश वितरण गर्दैछ।
जेठ ६ गते वार्षिक साधारण सभा बोलाएको प्रभु इन्स्योरेन्स लिमिटेडले आज आइतबार वैशाख २६ गतेका दिन संस्थाको शेयरधनी दर्ता किताब बन्द(बुक क्लोज) रहने जनाएको छ। यस अर्थ मिति २०७८/०१/२३ गतेसम्म नेपाल स्टक एक्सचेञ्ज लिमिटेडमा कारोबार भई प्रचलित कानून बमोजिम संस्थाको शेयर रजिष्ट्रारमा प्राप्त विवरणको आधारमा कायम शेयरधनीहरु मात्र वार्षिक साधारण सभामा भाग लिन र प्रस्तावित लाभांश प्राप्त गर्न योग्य हुने छन् ।
.jpg)
