सन्राइज बैङ्क लिमिटेडले यही असार ०३ गते पन्ध्रौँ वार्षिक साधारण सभा गर्ने भएको छ। कम्पनीले साधारण सभाको प्रयोजनको लागि जेठ २३ गते एक दिनको लागि बुक क्लोज गर्ने जानकारी दिएको छ । सो आधारमा जेठ २२ (आज सम्म) कायम शेयरधनीले वार्षिक साधारण सभामा भाग लिन सक्नेछन् । कम्पनीले साधारण सभा आम्रपालि बैङक्वेट्स, बालुवाटार, काठमाडौँमा (भौतिक उपस्थितिका लागि) र भर्चुअल उपस्थितिका लागि जुम वा अन्य भर्चुअल माध्यमबाट बिहान ९:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने, आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यसै गरी सभाले सन्राइज बैङ्क लिमिटेड र लक्ष्मी बैङ्क लिमिटेड एक आपसमा गाभ्ने/गाभिने र सो गाभ्ने/गाभिने प्रयोजनको लागि मूल्याङ्कनकर्ताले तयार गरेको सन्राइज बैङ्क लिमिटेडको चल/अचल सम्पत्ति तथा दायित्व मूल्याङ्कन प्रतिवेदन तथा अन्य सम्बद्ध व्यवस्था समेतका आधारमा निर्धारण गरिएको सन्राइज बैङ्क लिमिटेड तथा लक्ष्मी बैङ्क लिमिटेड बिचको शेयर आदान प्रदान अनुपात पारित गरी गाभ्ने/गाभिने कार्यलाई अन्तिम स्वीकृति प्रदान गर्ने प्रस्ताव पनि पारित गर्ने छ ।
आजसम्म कायम शेयरभनीले सन्राइज बैङ्कको साधारण सभामा भाग लिन पाउने
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
