ज्ञानमाण्डू। धितोपत्र बजारमा आज शेयर कारोवार मापक नेप्से परिसूचक एकल अङ्कले ऒरलो लागेको छ । नेपाल स्टक एक्सचेञ्जका अनुसार नेप्से परिसूचक ७ दशमलव १९ अंकले घटेर २१३० दशमलव ७३ को विन्दुमा कायम भएको छ । यस्तै सेन्सेटिभ परिसूचक १ दशमलव १६ अंकले घटेर ४१४ दशमलव ४७ को विन्दुमा पुगेको छ ।
आज कूल २२७ कम्पनीका ३० लाख २० हजार ०६७ कित्ता शेयर रु १ अर्ब ०७ करोड ८४ लाख ८४ हजार १८१ मा खरिद बिक्री भए ।
कारोबार भएका कूल १३ उपसमूह मध्ये दश उपसमूहको शेयर ऒरालो लागेको छ । विकास बैंक उपसमूह २१ दशमलव २९ अङ्कले बढ्दा जलविद्युत १६ दशमलव ८६ अङ्कले र वित्त उपसमूह ५.८६ अङ्कले बढेको छ ।
यता, बैंकिङ उपसमूह ५ दशमलव ०४ अङ्कले घट्दा ट्रेडिङ उपसमूह ३३ दशमलव ४५ अङ्कले, होटल तथा पर्यटन उपसमूह ९.३३ अङ्कले, निर्जीवन बीमा १५७.१ अङ्कले, उत्पादन उपसमूह ३३.०५ अङ्कले, अन्य उपसमूह ३.४ अङ्कले, लघुवित्त उपसमूह १३.३ अङ्कले, जीवन बीमा १५५.८५ अङ्कले, सामूहिक लागनी कोष शुन्य दशमलव ०५ अङ्कले र लगानी उपसमूह शुन्य दशमलव १३ अङ्कले घटेको छ।
