ज्ञानमाण्डू।युरो कप छनोट अन्तर्गत आइतबार भएको खेल मा स्पेनले फरो आइल्यान्डमाथि फराकिलो जित निकाल्न सफल भएको छ । घरेलु मैदानमा भएको खेलमा फरो आइल्यान्डलाई ४–० गोल अन्तरले हराउँदै स्पेन युरो छनोटको नजिक पुग्न सफल भएको छ । स्पेनको जितमा रोड्रिगो र पाको अल्कासेरले २-२ गोल गरे ।
खेलको १३ औ मिनेटमा नै रोड्रिगोले स्पेनमा लागि पहिलो गोल दर्ता गर्न सफल भए।रोड्रिगोकै गोलमाल स्पेनले पहिलो हाफसम्म अग्रता बनाइराख्यो ।
दोस्रो हाफको सुरुवातमै रोड्रिगोले स्पेनको अग्रता दोब्बर पारे । ५० औ मिनेटमा व्यक्तिगत दोस्रो गोल गर्दै रोड्रिगोले खेल २-० मा पुर्याए । त्यस्तै, अल्कासेरले ८९ औ मिनेटमा स्पेनकालागी तेस्रो गोल गर्दै खेल ३–० मा पुर्याउन मद्दत गरे । वैकल्पिक खेलाडीका रूपमा मैदान छिरेका अल्कासेरले ईन्जुरी समयमा व्यक्तिगत दोस्रो गोल गर्दै स्पेनलाई ४–० को फराकिलो जित दिलाए ।
स्पेन छनोटका सबै खेलमा अपराजित रहँदै ६ खेलबाट १८ अङ्क जोडेको छ । उसले दोस्रो स्थानको स्विडेनसँग ७ अङ्कको अग्रता लिएको छ । फरो आइल्यान्ड अझै अङ्क विहीन हुँदै तालिकाको पुछारमा छ ।
