![](https://1.bp.blogspot.com/-TywxXy9fIRY/YFhn9Za6ZMI/AAAAAAAAMo8/_MoMD8g8hRki6KxeoiHe1KIO6ms48gT3wCNcBGAsYHQ/s16000/Nepse%2BGoes%2BDown.png)
ज्ञानमाण्डू।धितोपत्र बजारमा आज शेयर कारोवार मापक नेप्से परिसूचक दोहोरो अङ्कले ऒरालो लागेको छ । नेपाल स्टक एक्सचेञ्जका अनुसार नेप्से परिसूचक ३७ दशमलव ५८ अंकले घटेर २६६१ दशमलव ९३ को विन्दुमा कायम भएको छ । यस्तै सेन्सेटिभ परिसूचक ७ दशमलव ०६ अंकले घटेर ४७९ दशमलव १० को विन्दुमा पुगेको छ ।
![](https://1.bp.blogspot.com/-XzTedlRyyUE/YH1eBRPF04I/AAAAAAAANQg/LFFkgu1gj6Aj0EeBAbk--mFK5mqSsKHWACNcBGAsYHQ/s16000/Screen%2BShot%2B2021-04-19%2Bat%2B16.22.41.png)
आज कूल २१३ कम्पनीका १ करोड ४२ लाख ७६८ कित्ता शेयर रु ६ अर्ब ७६ करोड ६८ लाख १ हजार २२४ मा खरिद बिक्री भए । आजको कारोवारपछि बजार पूँजीकरण रु ३६ खर्ब ८५ अर्ब ९८ करोड ४६ लाख ९० हजार बराबर पुगेको छ ।
![](https://1.bp.blogspot.com/-92zd3b1DF3s/YH1e4YbsafI/AAAAAAAANQo/JMMVGgNw_lcxcMyoqeMlrQbzsRLO6GBFQCNcBGAsYHQ/s16000/Screen%2BShot%2B2021-04-19%2Bat%2B16.28.29.png)
कारोबार भएका कूल १३ उपसमूह मध्ये मात्र दुई उपसमूहको शेयर उकालो लागेको छ । बैंकिङ उपसमूह ३४ दशमलव ८५ अङ्कले घट्दा ट्रेडिङ उपसमूह १०७ दशमलव ९ अङ्कले, होटल तथा पर्यटन उपसमूह २४० दशमलव ८३ अङ्कले, विकास बैंक उपसमूह ५६ दशमलव ८ अङ्कले, निर्जीवन बीमा २३९ दशमलव १३ अङ्कले, उत्पादन उपसमूह ४१ दशमलव ७ अङ्कले, अन्य उपसमूह २६ दशमलव ७२ अङ्कले, लघुवित्त उपसमूह ६२ दशमलव ७ अङ्कले, जीवन बीमा उपसमूह १२९ दशमलव ७७ अङ्कले, सामूहिक लागनी कोष उपसमूह शुन्य दशमलव ०९ अङ्कले र लगानी उपसमूह शुन्य दशमलव ५८ अङ्कले घटेको छ। यता, जलविद्युत उपसमूह ३ दशमलव १८ अङ्कले बढ्दा वित्त उपसमूह ६ दशमलव १७ अङ्कले बढेको छ।
![](https://1.bp.blogspot.com/-XH0B1LoXb4M/YH1fqdBdVUI/AAAAAAAANQw/rEGIm2TH44cJ_c8a_bL-G1wR5feFFtkzACNcBGAsYHQ/s16000/Screen%2BShot%2B2021-04-19%2Bat%2B16.31.19.png)
कारोबारको आधारमा आज नागरिक लगानी कोष शीर्ष स्थानमा रहेको छ । आज नागरिक लगानी कोषको २८ करोड ३८ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज २ दशमलव ९४ प्रतिशतले घटेको छ । त्यस्तै, हाईड्रोईलेक्ट्रीसिटि इन्भेष्टमेन्ट एण्ड डेभेलपमेन्ट कम्पनी लिमिटेडको २४ करोड ६२ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज ४ दशमलव ८१ प्रतिशतले वृद्धि भएको छ ।
आज नेपाल पूर्वाधार बैंक लिमिटेडको २३ करोड ९३ लाख रुपैयाँ माथिको शेयर कारोबार भएको छ । त्यस्तै, आज एनआइसी एशिया लघुवित्त वित्तिय संस्था लिमिटेडको २३ करोड ११ लाख रुपैयाँ माथिको र अपर तामाकोशी हाईड्रोपावर कम्पनी लिमिटेडको २२ करोड ५२ लाख माथिको शेयर कारोबार भएको छ।
![](https://1.bp.blogspot.com/-FcSvubA6Ka4/YH1h7BhBqTI/AAAAAAAANQ4/x3mzJKUfsms9xihQlQBSnY45DY8HRSKdQCNcBGAsYHQ/s16000/Screen%2BShot%2B2021-04-19%2Bat%2B16.40.48.png)
आज ज्योति लाईफ इन्स्योरेन्स लिमिटेडका लगानीकर्ताले सर्वाधिक कमाएका छन् । उक्त कम्पनीका लगानीकर्ताले ९ दशमलव ९८ प्रतिशतका दरले कमाएका छन् ।
त्यसै गरि, महिला लघुवित्त वित्तिय संस्था लिमिटेडका लगानीकर्ताले ९ दशमलव ९४ प्रतिशतका दरले कमाएका छन्। यता एन आर एन लिमिटेडका लगानीकर्ताले ५ प्रतिशतका दरले कमाएका छन् भने हाईड्रोईलेक्ट्रीसिटि इन्भेष्टमेन्ट एण्ड डेभेलपमेन्ट कम्पनी लिमिटेडका लगानीकर्ताले ४ दशमलव ८१ प्रतिशतका दरले कमाएका छन्।
![](https://1.bp.blogspot.com/-LkP4V7pqgX0/YH1jB2d2xmI/AAAAAAAANRA/dgk_Nz7DN-4EIwmOQvAmUgPEGR5nR0xfwCNcBGAsYHQ/s16000/Screen%2BShot%2B2021-04-19%2Bat%2B16.45.51.png)
त्यसैगरी आज सबैभन्दा धेरै चन्द्रागिरी हिल्स लिमिटेडका लगानीकर्ताले अधिकतम गुमाएका छन् । सो कम्पनीका लगानीकर्ताले ९ दशमलव ५१ प्रतिशतका दरले गुमाएका छन् । यता सप्तकोशी विकाश बैंक लिमिटेडका लगानीकर्ताले ५ दशमलव ५० प्रतिशतका दरले गुमाएका छन् भने आईएमई जनरल इन्स्योरेन्स लिमिटेडका लगानीकर्ताले ३ दशमलव ९५ प्रतिशतका दरले गुमाएका छन्।