नेपाली बजारमा सुन–चाँदीको मूल्य निरन्तर ऐतिहासिक उचाइमा पुग्दै गएको छ। आईतबार मात्र सुनको मूल्य प्रतितोला ३ हजार रुपैयाँले बढेको छ भने चाँदी पनि तोलामा ६५ रुपैयाँले वृद्धि भएको छ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ३ हजार ६०० रुपैयाँमा कारोबार भइरहेको छ। यसअघि शुक्रबार सुन प्रतितोला २ लाख ६०० रुपैयाँमा कारोबार भएको थियो। लगातार दुई कारोबार दिनयता सुनको मूल्यमा निरन्तर उछाल आएको देखिएको छ।
यस्तै, चाँदीको मूल्य पनि नयाँ रेकर्डमा पुगेको छ। आईतबारको कारोबारमा चाँदी तोलामा ६५ रुपैयाँले बढेर २ हजार ४२५ रुपैयाँमा पुगेको छ। गत शुक्रबार मात्र चाँदी २ हजार ३६० रुपैयाँमा कारोबार भइरहेको थियो।
