२०८० साल, असार २१ गते उद्योग वाणिज्य सङ्घ चितवनको सभा हलमा शेयर बजार सम्बन्धी प्रशिक्षण कार्यक्रम सम्पन्न भएको छ । उद्योग वाणिज्य सङ्घ चितवन नारायणगढ लेडी जेसीजद्वारा आयोजित सो कार्यक्रमको सह-आयोजक भने सनी सेक्यूरिटिज रहेको थियो ।
हिजोको बचत, आज लगानी, बनौँ सबै आर्थिक स्वाभिमानी भन्ने नारा रहेको सो कार्यक्रम बिहान ११ बजे देखि सुरु भएको थियो । कार्यक्रमको मुख्य प्रशिक्षकका रूपमा सुवासचन्द्र भट्टराई रहनुभएको थियो भने कार्यक्रममा उद्योग, व्यवसायी महिला र पुरुष गरी १६५ जनाको सहभागिता रहेको आयोजक कम्पनीले जनाएको छ ।
