धितोपत्र बजारमा आज शेयर कारोबार मापक नेप्से परिसूचक झिनो अङ्कले घटेको छ । नेपाल स्टक एक्सचेन्जका अनुसार नेप्से परिसूचक शून्य दशमलव ०६ अङ्कले घटेर २०४९ दशमलव ३८ को विन्दुमा कायम भएको छ। यस्तै सेन्सेटिभ परिसूचक शून्य दशमलव ५८ अङ्कले घटेर ३८२ दशमलव १६ को विन्दुमा पुगेको छ ।
आज कूल २८० कम्पनीहरूका ९७ लाख ५१ हजार ९८५ कित्ता शेयर रु. ३ अर्ब ०७ करोड ७४ लाख ९८ हजार ३१५ मा खरिद बिक्री भए ।
कारोबार भएका कूल १३ उपसमूहहरू मध्य बैङ्किङ उपसमूह ३ दशमलव ६१ अङ्कले, वित्त उपसमूह १.४९ अङ्कले, लगानी उपसमूह उपसमूह शून्य दशमलव ५६ अङ्कले, लघुवित्त उपसमूह ७.८९ अङ्कले, सामूहिक लगानी कोष शून्य दशमलव ०५ अङ्कले, निर्जीवन बिमा २२.८८ अङ्कले र अन्य उपसमूह ५.५५ अङ्कले र घटेका छन् । यता विकास बैङ्क उपसमूह ८ दशमलव ०५ अङ्कले बढ्दा होटेल तथा पर्यटन उपसमूह ८०.५० अङ्कले, जलविद्युत उपसमूह २१.७७ अङ्कले, जीवन बिमा उपसमूह १०.९४ अङ्कले, उत्पादन उपसमूह ३१.७८ अङ्कले र ट्रेडिङ उपसमूह शून्य दशमलव १४ अङ्कले बढेका छन् ।
धितोपत्र बजारमा ०.०६ अङ्कको गिरावट, नेप्से २०४९.३८ को विन्दुमा
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
