ज्ञानमाण्डू। छिमेक लघुवित्तको नाफा ५९.८९ प्रतिशतले बढेकाे छ । आ.व. २०७६/७७ को तेस्राे त्रैमास सम्ममा लघुवित्तले ५९ करोड ७८ लाख ९० हजार रुपैयाँ नाफा कमाएको थियो भने आ.व. २०७७/७८ को तेस्राे त्रैमास सम्ममा लघुवित्तले ९५ करोड ५९ लाख ६८ हजार रुपैयाँ नाफा कमाएको देखिन्छ ।
१ अर्ब ८३ करोड रुपैयाँ चुक्ता पुँजी रहेको छिमेक लघुवित्तले २१ अर्ब ८२ करोड १७ लाख ६ हजार रुपैयाँ निक्षेप संकलन गरी २६ अर्ब ४२ करोड २६ लाख ६३ हजार रुपैयाँ कर्जा लगानी गरेको छ त्यस्तै छिमेक लघुवित्तले ६ अर्ब ३५ लाख ४ हजार रुपैयाँ सापटी लिएकाे छ भने जगेडा कोषमा २ अर्ब ९० करोड ८ लाख ३४ हजार रुपैयाँ रहेको छ ।
छिमेक लघुवित्तको व्यवसाय विस्तारबाट हुने खुद ब्याज आम्दानी २०.९० प्रतिशतले बढेर १ अर्ब ५२ करोड ६९ लाख ५७ हजार रुपैयाँ पुगेकाे छ । लघुवित्तमा निष्कृय कर्जा अनुपात ०.५५ प्रतिशत छ । लघुवित्तको प्रतिशेयर आम्दानी ६९ रुपैयाँ ६५ पैसा छ भने प्रतिशेयर नेटवर्थ २५८ रुपैयाँ ५२ पैसा छ र मूल्य आम्दानी अनुपात २५.५८ गुणा छ ।
