हाथवे इन्भेष्टमेन्ट नेपालकाे नाफामा ४५०.५९ प्रतिशतको वृद्धि

हाथवे इन्भेष्टमेन्ट नेपाल लिमिटेडको नाफा ४५०.५९ प्रतिशतले बढेको छ । आ.व. २०७९/८० को चौथौँ त्रैमास सम्ममा कम्पनीले १ करोड ५२ लाख ५५ हजार रुपैयाँ नाफा कमाएको थियो भने आ.व. २०८०/८१ को चौथौँ त्रैमास सम्ममा कम्पनीले ८ करोड ३९ लाख ९२ हजार रुपैयाँ नाफा कमाएको देखिन्छ ।

१ अर्ब २८ करोड रुपैयाँ चुक्ता पुँजी रहेको हाथवे इन्भेष्टमेन्ट नेपाल लिमिटेडको सञ्चालन आम्दानी ६७.१८ प्रतिशतले बढेर २५ करोड ८२ लाख रुपैयाँ पुगेको छ भने कम्पनीको कुल खर्च समीक्षा अवधिमा १७.२३ प्रतिशतले घटेको छ । त्यस्तै, कम्पनीको सञ्चित मुनाफा ३७ करोड २१ लाख रुपैयाँ रहेको छ ।

कम्पनीको प्रतिशेयर आम्दानी ३ रुपैयाँ २६ पैसा छ भने प्रतिशेयर नेटवर्थ ७७ रुपैयाँ ८६ पैसा र पछिल्लो कारोबार मूल्य रु १,६५७ रुपैयाँ ०० पैसाको आधारमा मूल्य आम्दानी अनुपात ५०८.२८ गुणा रहेको छ ।