ज्ञानमाणडू। मेगा बैंक नेपाल लिमिटेडका ग्राहकहरुले नयाँ वर्षमा दराज डटकमबाट सामान खरिद गर्दा १५ प्रतिशतसम्म छुट प्राप्त गर्ने भएका छन् ।
मेगा बैंक र दराजबीच भएको सम्झौता अनुसार, मेगा बैंकका कार्ड प्रयोगकर्ताहरुले २०७८ चैत्र २८ गतेदेखि सीमित समयका लागि डेबिट कार्डमार्फत अग्रिम भुक्तानीमा अधिकतम १० प्रतिशत वा एक हजार रुपैंयासम्म छुट पाउनेछन् । यसैगरी, क्रेडिट कार्डमार्फत अग्रिम भुक्तानीमा अधिकतम १५ प्रतिशत वा १५ सय सम्मको छुटको व्यवस्था गरिएको बैंकले जनाएकाे छ । छुट सुविधाका लागि ग्राहकहरुले आफ्नो कार्डमा ई–कमर्स सक्रिय गर्नुपने बैंकले बताएकाे छ । आफ्नो कार्डमा ई–कमर्स सक्रिय गर्न र क्रेडिट कार्डका लागि आजै आवेदन दिन सकिने मेगा बैंकले जनाएको छ ।
नयाँ वर्षमा सजिलोसँग घरमै बसी अनलाइनबाटै सामान खरिद र भुक्तानी गर्दा छुट प्राप्त गर्न सकियोस् भन्ने उद्देश्यले मेगा बैंकले यो सम्झौता गरेको हो । दराज डटकमको बेभसाइट तथा मोबाइल एप्समार्फत सामान अर्डर गरी घरमै सामान प्राप्त गर्न सकिनेछ । दराजसँगको सम्झौताको लाभ लिँदै सहज र सुरक्षित रुपमा बिनाझन्झट घरमै बसी सामान खरिद गर्न मेगा बैंकले ग्राहकहरुलाई अनुरोध पनि गरेको बैंकले जनाएको छ । मेगा बैंकले डिजिटल बैंकिङ अन्तरगत नगदबिहीन कारोबारलाई बढवा दिने सरकारको नीतिलाई प्राथमिकतामा राख्दै आएको बताएकाे छ ।
.jpeg?exif_rotate=y&no_disposition=y&name=PICTURE%20(1).jpeg&sid=YWVzX3NpZDp7ImFlc0tleUlkIjoiMTc4IiwiaG1hY0tleUlkIjoiMTc4IiwiaXZCYXNlNjQiOiJScHMzdlJnSGhDeTdHRUlZWWdqM21RPT0iLCJzaWRCYXNlNjQiOiJrM25QQUFCUE84YTN5TkJUVUtOZW94UFM3NGk4MFk0L1RJb2Y5V3ZmTjYrd1VFakI1dWhpVFRacHhzN2U2dU44b0xiMGNQNWI2OHA2bWVFdGpDVzRnQSs4OU9PKzZXMUVkRnREY1RuSm5kcjhWa3AvUU9QUE9oSDVzZzRiNGluTzJLRkxNNUszRUtnWkRRcTRQY1ljQXc9PSIsImhtYWNCYXNlNjQiOiJoSGRvNFd2cGlzeXNHeWZlb25yK1kxRTJpM296OE04NnQ1UzQ3OUxmbDlnPSJ9)
