ज्ञानमाण्डू। आँधिखाेला लघुवित्त वित्तीय संस्था लिमिटेड र सिवाईसी नेपाल लघुवित्त वित्तीय संस्था लिमिटेडले यही असोज ७ गते विशेष साधारण सभा गर्ने भएका छन्। कम्पनीहरूले साधारण सभाको प्रयोजनको लागि भदौ २९ गते देखि असोज ७ गतेसम्म नौ दिनका लागि बुक क्लोज गर्ने जानकारी दिएका छन्। सो आधारमा भदौ २८ गतेसम्म (आज सम्म) कायम शेयर धनीले साधारण सभामा भाग लिन सक्नेछन् ।
आँधिखाेला लघुवित्तले साधारण सभा होटल गाउँवेशीको सभाहल वालिङ स्याङ्जामा र सिवाईसी नेपाल लघुवित्तले केन्द्रीय कार्यालय सभागृह चोक कास्कीमा बिहान ११:०० बजे देखि आरम्भ हुने जानकारी दिएका छन्।
सभाले आँधिखाेला लघुवित्त र सिवाईसी नेपाल लघुवित्त एक आपसमा गाभ्ने/ गाभिने, मर्जर गर्ने सम्बन्धमा सञ्चालक समितिको तर्फबाट प्रतिवेदन गर्ने छ र सो प्रयोजनका लागि मुल्याङ्कर्ताबाट प्राप्त प्रतिवेदनका आधारमा निर्धारण गरिएको शेयर स्वाप अनुपात (Share Swap Ratio) को विषयलाई पनि दर्साउने छ भने संस्थाको प्रबन्ध पत्र तथा नियमावलीको पनि संशोधन गर्ने छ।
त्यसै गरी कम्पनी एैन २०६३ को दफा १११ बमोजिम आ.व २०७९/०८० को लागि लेखा परीक्षकको नियुक्ति र निजको पारिश्रमिक निर्धारण पनि सोही सभाले गर्नेछ र सञ्चालक समितिले प्रस्ताव गरे बमोजिम मर्जर सम्बन्धी आवशयक काम गर्नका लागि सञ्चालक समिति वा सञ्चालक समितिले तोकेको व्यक्तिलाई आवश्यक अख्तियारी पनि प्रदान गर्ने छ।
