ज्ञानमाण्डू। सिक्लेस हाइड्राेपावर लिमिटेडले भदाै २९ गते (आज) देखि आईपीओ विक्री खुल्ला गरेकाे छ ।
कम्पनीको अनुसार योग्य आवेदकले दरखास्त दिनुपर्ने न्यूनतम कित्ता १० शेयर र दरखास्त दिन पाउने अधिकतम कित्ता १ लाखसम्म तोकेको छ। सो कम्पनीले प्रतिशेयर रु.१०० अङ्कित दरका ११ लाख ५० हजार कित्ता साधारण शेयरको आईपीओ विक्री गर्न लागेको हो।
सो कम्पनीले निष्कासन गर्ने ११ लाख ५० हजार कित्ता शेयर मध्ये ३४ हजार ५०० कित्ता अर्थात कुल निष्काशनको ३ प्रतिशत कम्पनीका कर्मचारीका लागि सुरक्षित गरिएको र ५७ हजार ५०० कित्ता अर्थात ५ प्रतिशत सामूहिक लगानी कोषहरुमा बाँडफाँड गरी बाँकी रहने १० लाख ५८ हजार कित्ता साधारण शेयर सर्वसाधारणमा निष्काशन गरिएको कम्पनीले जनाएकाे छ ।
सो कम्पनीको साधारण शेयरको निष्कासन बन्द हुने मिति (छिटोमा) असाेज २ गते रहेको छ। उक्त अवधिभित्र माग बमोजिम आवेदन नपरेमा ढिलोमा असाेज १२ गते सम्म आवेदन पेस गर्न सक्ने कम्पनीले जनाएकाे छ।
कम्पनीको आईपीओ खरिद गर्नको निम्ति आवेदकले नेपाल धितोपत्र बोर्डबाट अनुमति लिइ आस्वा सेवामा सहभागी बैङ्क तथा वित्तीय संस्थाहरूबाट आवेदन पेस गर्न सक्नेछन्।
यस कम्पनीको धिताेपत्र निष्कासन तथा बिक्री प्रबन्धक बि.ओ.के. क्यापिटल मार्केट लिमिटेड रहेको छ।
