नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले राज्यले व्यवसायीप्रति गर्ने सम्मानित व्यवहारले मात्र पनि मुलुकभित्र लगानीमैत्री वातावरण निर्माण गर्न सहयोग पुग्ने बताउनुभएको छ ।
नेपाल निर्यात परिषद्को २५औँ वार्षिक साधारण सभा तथा ७औँ निर्यात दिवसको अवसरमा काठमाडौँमा आयोजित कार्यक्रमलाई सम्बोधन गर्दै वरिष्ठ उपाध्यक्ष ढकालले राज्यले गर्ने सम्मानपूर्ण व्यवहारले मात्र पनि निजी क्षेत्र उत्साहित हुने र मुलुकको आर्थिक तथा औद्योगिक विकासमा सकारात्मक प्रभाव पर्ने बताउनुभयो ।
निजी क्षेत्रको लामो प्रयासपछि नेपाल सरकारले व्यवसायीहरूलाई सीआईपी सम्मान दिन सुरुगरेकोमा हाल स्थगित गरिएकोमा उहाँले दुःख व्यक्त गर्नुभयो ।
“हाम्रो लामो र अथक प्रयास पनि नेपाल सरकारले व्यवसायीहरूलाई सीआईपी सम्मान दिन सुरु गरेको थियो । तर हाल त्यो पुनः स्थगित छ,” उहाँले प्रश्न गर्नुभयो, “जुन व्यवसायीले नेपालको निर्यात बढाउन सहयोग गर्छ, आयात प्रतिस्थापन गर्छ, विदेशी मुद्रा भित्र्याउँछ, धेरै भन्दा धेरै कर तिर्छ, रोजगारी सृजना गर्छ र व्यवसायीलाई सम्मान दिँदा सरकारको लगानी पनि पर्दैन यस्तो कुरामा सरकारले किन कन्जुस्याइँ गर्नुपर्ने ?”
आफू पनि निर्यात व्यवसायसँग आबद्ध रहेको र यस व्यवसायको समस्याको बारेमा आफूलाई पूर्ण जानकारी भएको बताउँदै उहाँले निर्यात प्रवर्द्धनका लागि नेपाल उद्योग वाणिज्य महासङ्घको तर्फबाट आफूले सदैव सकारात्मक भूमिका निर्वाह गर्ने स्पष्ट पार्नुभयो ।
नेपाल उद्योग वाणिज्य महासङ्घको आगामी चैत्रमा हुने चुनावी साधारण सभातर्फ इङ्गित गर्दै वरिष्ठ उपाध्यक्ष ढकालले महासङ्घ र सरकारसँग निर्यात व्यवसायीहरूका विषयहरूको पैरवी गर्न निर्यात व्यवसायीलाई नै प्रतिनिधिको रूपमा महासङ्घमा निर्वाचित गर्न सुझाव दिनुभयो ।
निजी क्षेत्रको लामो प्रयासपछि नेपाल सरकारले व्यवसायीहरूलाई सीआईपी सम्मान दिन सुरुगरेकोमा हाल स्थगित गरिएकोमा उहाँले दुःख व्यक्त गर्नुभयो ।
“हाम्रो लामो र अथक प्रयास पनि नेपाल सरकारले व्यवसायीहरूलाई सीआईपी सम्मान दिन सुरु गरेको थियो । तर हाल त्यो पुनः स्थगित छ,” उहाँले प्रश्न गर्नुभयो, “जुन व्यवसायीले नेपालको निर्यात बढाउन सहयोग गर्छ, आयात प्रतिस्थापन गर्छ, विदेशी मुद्रा भित्र्याउँछ, धेरै भन्दा धेरै कर तिर्छ, रोजगारी सृजना गर्छ र व्यवसायीलाई सम्मान दिँदा सरकारको लगानी पनि पर्दैन यस्तो कुरामा सरकारले किन कन्जुस्याइँ गर्नुपर्ने ?”
आफू पनि निर्यात व्यवसायसँग आबद्ध रहेको र यस व्यवसायको समस्याको बारेमा आफूलाई पूर्ण जानकारी भएको बताउँदै उहाँले निर्यात प्रवर्द्धनका लागि नेपाल उद्योग वाणिज्य महासङ्घको तर्फबाट आफूले सदैव सकारात्मक भूमिका निर्वाह गर्ने स्पष्ट पार्नुभयो ।
नेपाल उद्योग वाणिज्य महासङ्घको आगामी चैत्रमा हुने चुनावी साधारण सभातर्फ इङ्गित गर्दै वरिष्ठ उपाध्यक्ष ढकालले महासङ्घ र सरकारसँग निर्यात व्यवसायीहरूका विषयहरूको पैरवी गर्न निर्यात व्यवसायीलाई नै प्रतिनिधिको रूपमा महासङ्घमा निर्वाचित गर्न सुझाव दिनुभयो ।
