ज्ञानमाण्डू। विन नेपाल लघुवित्त वित्तीय संस्थाले जेष्ठ ३१ गते (आज) सातौँ वार्षिक साधारण सभा गर्दै छ।कम्पनीले साधारण सभा श्री इन्द्रावती सामुदायिक सेवा केन्द्र, फटकशीला-८, सिन्धुपाल्चोकमा बिहान ११:०० बजे देखि आरम्भ हुने जानकारी दिएको छ।
साे सभामा कम्पनीले आर्थिक वर्ष (आ.व.) २०७७/०७८ काे मुनाफाबाट संस्थाकाे चुक्ता पुँजीको कुल ९.३३ प्रतिशतले हुन आउने लाभांश (बाेनश शेयर) आफ्ना शेयरधनीहरुलाई वितरण गर्ने प्रस्ताव पारित गर्ने छ भने सभाले आर्थिक वर्ष (आ.व. ) २०७७/७८ को सातौँ वार्षिक प्रतिवेदन उपर छलफल गरी पारित गर्ने र आ.व. २०७८/७९ को लागि लेखा परीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्ने छ।
सञ्चालक समितिमा संस्थापकको तर्फबाट प्रतिनिधित्व गर्ने चार जना सञ्चालक र सर्वसाधारण शेयरधनीकाे तर्फबाट प्रतिनिधित्व गर्ने दुई जना सञ्चालकको निर्वाचन पनि सोही सभाले गर्ने छ।
अन्य प्रस्तावमा यस वित्तीय संस्था अन्य लघुवित्त वित्तीय संस्थाहरूसँग गाभ्ने र गाभिने (मर्जर) तथा विलय (एक्विजिसन) गर्न उपयुक्त देखिएमा सो प्रयोजनका निम्ति सम्पूर्ण कार्य गर्नको लागि सञ्चालक समितिलाई अख्तियारी दिने प्रस्ताव पनि सोही सभाले पारित गर्ने र प्रवन्धपत्र र नियमावलीमा गरिएको संशोधन सम्बन्धमा नियमनकारी निकाय वा अन्य कुनै कार्यालयहरूबाट कुनै पनि विषयमा संशोधन/परिमार्जन/थपघट वा परिवर्तन गर्न कुनै निर्देशन प्राप्त भएमा सोही बमोजिम उक्त कार्य गर्न गराउन सञ्चालक समितिलाई अख्तियारी पनि सोही सभाले प्रदान गर्ने कम्पनीले जनाएकाे छ ।
कम्पनीले साधारण सभाको प्रयोजनको लागि जेठ १८ गतेदेखि जेठ ३१ गतेसम्म तेह्र दिनका लागि बुक क्लोज गरिसकेकाे छ। सो आधारमा जेठ १७ गतेसम्म कायम शेयरधनीले साधारण सभामा भाग लिन सक्नेछन् ।
