ज्ञानमाण्डू।नेपाल टेलिकमले आम उपभोक्तालाई सहुलियत दरमा ताररहित र तारसहित टेलिफोन सेवा तथा इन्टरनेट सेवाहरू प्रदान गर्दै आएको छ ।
नेपाल सरकारले इन्टरनेट सेवामा १३ प्रतिशत दूरसञ्चार सेवा शुल्क लगाउने निर्णय गरिसकेको अवस्थामा पनि टेलिकमले ग्राहकको सुविधा र सहजतालाई ध्यानमा राखी कम्पनीद्वारा प्रदत्त इन्टरनेट सेवाको महसुल दरमा कुनै वृद्धि नगरेको कुरा कम्पनीले जनाएको छ ।
सेवाग्राहीलाई अझ बढी सहुलियत दरमा सेवा उपलब्ध गराउन हालै कार्यान्वयनमा ल्याइएको समर अफरमा इन्टरनेट लगायतका सेवाहरूमा थप सहुलियत सहितका प्याकेजहरू प्रस्तुत गरी सेवालाई अझ कम खर्चिलो बनाएको छ ।
नेपाल टेलिकमले देशका सुगमदेखि दुर्गम हरेक स्थानमा सहुलियत दरमा गुणस्तरीय दूरसञ्चार सेवाहरू प्रदान गर्ने आफ्नो नीतिलाई निरन्तरता दिँदै आइरहेको कुरा कम्पनीले प्रेस विज्ञप्तिद्वारा जनाएको छ ।
