ज्ञानमाण्डू। नेशनल हाइड्रो पावर कम्पनी लि. ले यही भदाै १० गते विशेष साधारण सभा गर्ने भएको छ। कम्पनीले साधारण सभाको प्रयोजनको लागि भदाै २ गते एक दिनको लागि बुक क्लोज गर्ने जानकारी दिएको छ। सो आधारमा भदाै १ गते सम्म (आज सम्म) कायम शेयरधनीले विशेष साधारण सभामा भाग लिन सक्नेछन् ।
कम्पनीले विशेष साधारण सभा डेलिश ओपेरा रेष्ट्रो एण्ड बैंक्वेट बालुवाटार, काठमाडौंमा बिहान ११:०० बजे देखि आरम्भ हुने जानकारी दिएको छ।
सभाले बोनश शेयर वितरण र सुनकोशी हाइड्रो पावर कम्पनी लि.को प्राप्ति पश्चात कायम हुन आउने चुक्ता पूजीको ५० प्रतिशत हकप्रद शेयर जारी गर्न स्वीकृति प्रदान गर्नेछ।
हकप्रद शेयर र सुनकोशी हाइड्रो पावर कम्पनी लि.को प्राप्तिको कारणले कम्पनीको पूँजी वृद्धि हुने भएको हुनाले कम्पनीको प्रबन्धपत्रको संशोधन गर्नेछ र साथै अन्य प्रस्तावहरु छलफल सहित पारित गर्ने कम्पनीले जनाएको छ ।
