![](https://1.bp.blogspot.com/-U5bHtPAIQo4/YECrULM4BMI/AAAAAAAAMOA/OQZC8hWuw3UVcMSSBCbSWNKmaLEWQpOsQCNcBGAsYHQ/s16000/Nepse%2BGoes%2BUp%2B.png)
ज्ञानमाण्डू।साताको अन्तिम कारोबारी दिन धितोपत्र बजारमा आज शेयर कारोबार मापक नेप्से परिसूचक दोहोरो अङ्कले बढेको छ । नेपाल स्टक एक्सचेञ्जका अनुसार नेप्से परिसूचक २५ दशमलव ८२ अंकले बढेर २६११ दशमलव १० को विन्दुमा कायम भएको छ । यस्तै सेन्सेटिभ परिसूचक ३ दशमलव ९१ अंकले बढेर ४६९ दशमलव ०२ को विन्दुमा पुगेको छ ।
![](https://1.bp.blogspot.com/-h1RPn080xDM/YIqIjfoublI/AAAAAAAANcY/ngvn4h8BEeAzaB6kMvbE4AVBPQUjvmzlgCNcBGAsYHQ/s16000/Screen%2BShot%2B2021-04-29%2Bat%2B16.04.50.png)
आज कूल २१७ कम्पनीका ९८ लाख १८ हजार ४६ कित्ता शेयर रु ४ अर्ब ३५ करोड ७० लाख १९ हजार २४९ मा खरिद बिक्री भए । आजको कारोबारपछि बजार पूँजीकरण रु ३६ खर्ब २० अर्ब ८२ करोड ७९ लाख २० हजार बराबर पुगेको छ ।
![](https://1.bp.blogspot.com/-MbJQe-NQzR0/YIqIapN8vNI/AAAAAAAANcU/6c2NKCpIPkoaVOVkRfkul3VpkVyE9QAVwCNcBGAsYHQ/s16000/Screen%2BShot%2B2021-04-29%2Bat%2B16.05.01.png)
कारोबार भएका कूल १३ उपसमूह मध्ये मात्र दुई उपसमूहको शेयर ऒरालो लागेको छ । आज बैंकिङ उपसमूह ७ दशमलव ५५ अङ्कले बढ्दा ट्रेडिङ उपसमूह १२६ दशमलव ५४ अङ्कले, विकास बैंक उपसमूह २७ दशमलव ३ अङ्कले, जलविद्युत उपसमूह ८० दशमलव २ अङ्कले, वित्त उपसमूह ५ दशमलव २३ अङ्कले, निर्जीवन बीमा १२४ दशमलव ८ अङ्कले, उत्पादन उपसमूह १०३ दशमलव ६८ अङ्कले, अन्य उपसमूह ५० दशमलव ७३ अङ्कले, लघुवित्त उपसमूह ४४ दशमलव ३६ अङ्कले, जीवन बीमा उपसमूह १४२ दशमलव ८८ अङ्कले र सामूहिक लागनी कोष उपसमूह शुन्य दशमलव ०१ अङ्कले बढेको छ। यता , होटल तथा पर्य टन उप समूह २७ दशमलव ७७ अङ्कले घट्दा लगानी उपसमूह शुन्य दशमलव ११ अङ्कले घटेको छ।
![](https://1.bp.blogspot.com/-zr886Le9j-o/YIqBRXIGtrI/AAAAAAAANb8/X0IYa7_LBnY-ttxrdxe181RkVUGBAFelgCNcBGAsYHQ/s16000/Screen%2BShot%2B2021-04-29%2Bat%2B15.31.28.png)
कारोबारको आधारमा आजनेपाल नेपाल क्रेडिट एण्ड कमर्स बैंक लिमिटेड शीर्ष स्थानमा रहेको छ । आज नेपाल क्रेडिट एण्ड कमर्स बैंकको ३० करोड ९६ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज ३ दशमलव ५३ प्रतिशतले बढेको छ । त्यस्तै, शिवम् सिमेन्ट्स लिमिटेडको १८ करोड ७२ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज ३ दशमलव ०१ प्रतिशतले बढेको भएको छ ।
आज हिमालयन पावर पार्टनर लिमिटेडको १६ करोड ७३ लाख रुपैयाँ माथिको शेयर कारोबार भएको छ । त्यस्तै, अपार तामाकोशी हाइड्रोपावर लिमिटेडको १६ करोड ६६ लाख रुपैयाँ माथिको र नेपाल पुनर्बिमा कम्पनी लिमिटेडको १४ करोड ७१ लाख माथिको शेयर कारोबार भएको छ।
![](https://1.bp.blogspot.com/-f1NhycviaXg/YIqDfn9TG9I/AAAAAAAANcE/gGvY2WCBJzMRdtXaY7usPJU6D01XdH11ACNcBGAsYHQ/s16000/Screen%2BShot%2B2021-04-29%2Bat%2B15.29.30.png)
आज सिंगटी हाइड्रो इनर्जी लिमिटेड र महिला लघुवित्त वित्तिय संस्था लिमिटेडका लगानीकर्ताले सर्वाधिक कमाएका छन् । उक्त कम्पनीका लगानीकर्ताले १० प्रतिशतका दरले कमाएका छन् ।
त्यसै गरि, विशाल बजार कम्पनी लिमिटेडका लगानीकर्ताले ९ दशमलव ९ प्रतिशतका दरले कमाएका छन्। यता सान्जेन जलविद्युत कम्पनी लिमिटेडका लगानीकर्ताले ८ दशमलव ५६ प्रतिशतका दरले कमाएका छन् भने एनआरएन इन्फ्रास्टकचर एण्ड डेभलप्मेन्ट लिमिटेडका लगानीकर्ताले ७ दशमलव ३० प्रतिशतका दरले कमाएका छन्।
![](https://1.bp.blogspot.com/-6u852gQJyIQ/YIqHPwgGaII/AAAAAAAANcM/gf3Sf246EpYYGZjz77V4Pb-Oepfujf8EwCNcBGAsYHQ/s16000/Screen%2BShot%2B2021-04-29%2Bat%2B16.00.06.png)
त्यसैगरी आज सबैभन्दा धेरै श्री इन्भेष्टमेन्ट एण्ड फाईनान्स कम्पनी लिमिटेडका लगानीकर्ताले अधिकतम गुमाएका छन् । सो कम्पनीका लगानीकर्ताले २ दशमलव ८२ प्रतिशतका दरले गुमाएका छन् । यता नेपाल हाइड्रो डेभलपर्स लिमिटेडका लगानीकर्ताले २ दशमलव ३० प्रतिशतका दरले गुमाएका छन् भने यूनिलिभर नेपाल लिमिटेडका लगानीकर्ताले १ दशमलव ९९ प्रतिशतका दरले गुमाएका छन्।