![thumbnail](https://1.bp.blogspot.com/-3OAPzMn4lFg/YJ0BVErMXRI/AAAAAAAANps/pPSAYWKqvy4uLb0Tu5Eugg8EkXV3NwMAACNcBGAsYHQ/s16000/Screen%2BShot%2B2021-05-13%2Bat%2B16.21.54.png)
ज्ञानमाण्डू। धितोपत्र बजारमा आज शेयर कारोबार मापक नेप्से परिसूचक दोहोरो अङ्कले वृद्धि भएको छ । साताको अन्तिम कारोबारी दिन नेप्से परिसूचक १० दशमलव १३ अङ्कले बढेर २६८४ दशमलव ०१ को विन्दुमा कायम भएको छ । नेप्से परिसूचक शून्य दशमलव ३८ प्रतिशतले उकालो लाग्दा आज एक दर्जनभन्दा बढी कम्पनीको शेयर सकारात्मक सर्किट लेभलमा कारोबार भएको छ। यस्तै, सेन्सेटिभ परिसूचक १ दशमलव १२ अङ्कले बढेर ४७९ दशमलव ५० को विन्दुमा पुगेको छ ।
![](https://1.bp.blogspot.com/-byxS3YNyAPw/YJ0ASHafOjI/AAAAAAAANpk/I-kOu7kJCcQQuWuW53d09sNkgcH8wF7XwCNcBGAsYHQ/s16000/Screen%2BShot%2B2021-05-13%2Bat%2B16.17.22.png)
आज कूल २१८ कम्पनीका २ करोड १९ लाख ५५ हजार ९४३ कित्ता शेयर रु ७ अर्ब १२ करोड ६८ लाख ८५ हजार २८० मा खरिद बिक्री भए ।
कारोबार भएका कूल १३ उपसमूह मध्ये चार उपसमूहको शेयर ओरालो लागेको छ । आज ट्रेडिङ उपसमूह २३ दशमलव ८६ अङ्कले घट्दा होटल तथा पर्यटन उपसमूह १९ दशमलव ३५ अङ्कले, उत्पादन उपसमूह १८ दशमलव १३ अङ्कले र लगानी उपसमूह शून्य दशमलव ४ अङ्कले घटेको छ ।
![](https://1.bp.blogspot.com/-FLM-w7jb9sw/YJzz7JjC3JI/AAAAAAAANpM/PBogEBMm9xU8YXIl2pCp-5uRtzpWDno3wCNcBGAsYHQ/s16000/Screen%2BShot%2B2021-05-13%2Bat%2B15.23.20.png)
कारोबारको आधारमा आज नेपाल पुनर्बिमा कम्पनी लिमिटेड शीर्ष स्थानमा रहेको छ । आज नेपाल पुनर्बिमा कम्पनी लिमिटेडको ४९ करोड ४ लाख रुपैयाँ माथिको शेयर कारोबार भएको छ । कम्पनीको शेयर मूल्य धितोपत्र बजारमा आज २ प्रतिशतले वृद्धि भएको छ । त्यस्तै, नेशनल हाइड्रोपावर कम्पनी लिमिटेडको २५ करोड ६७ लाख रुपैयाँ माथिको शेयर कारोबार भएको छ । कम्पनीको शेयर मूल्य धितोपत्र बजारमा आज ६ दशमलव ५५ प्रतिशतले वृद्धि भएको छ ।
यता आरुण काबेली पावर लिमिटेडको २१ करोड ६० लाख रुपैयाँ माथिको शेयर कारोबार भएको छ । त्यसै गरी, हिमाल दोलखा हाइड्रोपावर कम्पनी लिमिटेडको १९ करोड १४ लाख रुपैयाँ माथिको र नेपाल इन्भेष्टमेन्ट बैङ्क लिमिटेडको १८ करोड ३४ लाख माथिको शेयर कारोबार भएको छ। नेपाल इन्भेष्टमेन्ट बैङ्क लिमिटेडको शेयर मूल्य धितोपत्र बजारमा आज १ दशमलव ५५ प्रतिशतले वृद्धि भएको छ ।
![](https://1.bp.blogspot.com/-D75KN1Hctow/YJz2mi19vyI/AAAAAAAANpU/KYvIncthjn46oBVZPQjJoh-Yb0hLHf4FACNcBGAsYHQ/w673-h551/Screen%2BShot%2B2021-05-13%2Bat%2B15.36.06.png)
नेप्से परिसूचक शून्य दशमलव ३८ प्रतिशतले उकालो लाग्दा आज एक दर्जनभन्दा बढी कम्पनीको शेयर सकारात्मक सर्किट लेभलमा कारोबार भएको छ। आज समता लघुवित्त वित्तीय संस्था लिमिटेड र दिब्यश्वरी हाइड्रोपावर कम्पनी लिमिटेडका लगानीकर्ताले आज सर्वाधिक कमाएका छन् । यी दुई कम्पनीका लगानीकर्ताले समान १० प्रतिशतका दरले कमाएका छन् ।
त्यसै गरी, विशाल बजार कम्पनी लिमिटेडका लगानीकर्ताले ९ दशमलव ९९ प्रतिशतका दरले कमाएका छन् भने रुरु जलविद्युत परियोजना लिमिटेडका लगानीकर्ताले ९ दशमलव ८९ प्रतिशतका दरले कमाएका छन्। यता, सांग्रिला डेभेलपमेन्ट बैङ्क लिमिटेडका लगानीकर्ताले ९ दशमलव ७९ प्रतिशतका दरले, प्रोग्रेशिभ फाइनान्स लिमिटेड र जोशी हाइड्रोपावर डेभेलपमेन्ट कम्पनी लिमिटेडका लगानीकर्ताले समान ९ दशमलव ७८ प्रतिशतका दरले, समृद्धि फाइनान्स कम्पनी लिमिटेडका लगानीकर्ताले ९ दशमलव ७३ प्रतिशतका दरले, अरुणखोला जलविद्युत कम्पनी लिमिटेडका लगानीकर्ताले ९ दशमलव ६३ प्रतिशतका दरले, खानीखोला हाइड्रोपावर कम्पनी लिमिटेडका लगानीकर्ताले ९ दशमलव ६० प्रतिशतका दरले, बेष्ट फाइनान्स कम्पनी लिमिटेडका लगानीकर्ताले ९ दशमलव ५७ प्रतिशतका दरले, युनियन हाइड्रोपावर लिमिटेडका लगानीकर्ताले ९ दशमलव ५५ प्रतिशतका दरले कमाएका छन्।
आज विकास बैङ्क उपसमूह २ दशमलव ५१ प्रतिशतले र जलविद्युत उपसमूह १ दशमलव ४१ प्रतिशतले वृद्धि भएको छ। यता, वित्त उपसमूह ४ दशमलव ६८ प्रतिशतले वृद्धि भएको छ।
![](https://1.bp.blogspot.com/-tanuFJ915D4/YJz9DEDUDZI/AAAAAAAANpc/NUkEfPrKnHMeuTUnELcUWVLdrS_R1lOqgCNcBGAsYHQ/s16000/Screen%2BShot%2B2021-05-13%2Bat%2B16.03.11.png)
आज रिडी हाइड्रोपावर डेभेलपमेन्ट कम्पनी लिमिटेडका लगानीकर्ताले अधिकतम गुमाएका छन् । सो कम्पनीका लगानीकर्ताले २ दशमलव ०९ प्रतिशतका दरले गुमाएका छन् । यता, राष्ट्रिय बिमा कम्पनी लिमिटेडका लगानीकर्ताले १ दशमलव ९९ प्रतिशतका दरले गुमाएका छन् भने छ्याङ्दी हाइड्रोपावर लिमिटेडका लगानीकर्ताले १ दशमलव ९८ प्रतिशतका दरले गुमाएका छन्। त्यस्तै, सिभिल लघुवित्त वित्तीय संस्था लिमिटेडका लगानीकर्ताले १ दशमलव ९५ प्रतिशतका दरले गुमाएका छन्।