![jyoti bikas bank bond jyoti bikas bank bond](https://lh3.googleusercontent.com/-Rh4R8jYEP3M/YX-DCvOtKUI/AAAAAAAAP1A/Y6dVhAdfIks5AzUbIMkTz2iQ6MB2Tvp6QCNcBGAsYHQ/s16000/picture%2B%252815%2529.jpg)
ज्ञानमाण्डू। ज्योति विकास बैंक द्वारा निष्काशित रु १.५ अर्ब बराबरको "९% ज्योति विकास बैंक बोन्ड २०८७" ऋणपत्र नेपाल स्टक एक्सचेन्ज लिमिटेडमा सूचीकृत भएको छ।
आइतबार एक कार्यक्रमकाबीच सो ऋणपत्र सूचीकरण गर्ने सम्झौतापत्रमा ज्योति विकास बैंकका तर्फबाट बैंकका प्रमुख कार्यकारी अधिकृत श्री श्रीचन्द्र भट्ट र नेपाल स्टक एक्सचेन्ज लिमिटेडका निमित्त प्रमुख कार्यकारी अधिकृत श्री निरन्जन फुयालले हस्ताक्षर गर्नुभएको थियो।
यस सम्झौता पश्चात् सो ऋणपत्र नेपाल स्टक एक्सचेन्ज लिमिटेडमा दोस्रो बजारमा कारोबार गर्न सकिनेछ। सूचीकरण भएको ऋणपत्र धितोपत्र सूचीकरण सम्झौता सम्पन्न भएको दोस्रो दिनबाट नेपाल स्टक एक्सचेन्ज लिमिटेडमा कारोबार शुरु हुने जनाइएकाे छ ।
बैंकले रु एक हजार अंकित दरका १५ लाख कित्ताले हुन आउने "ज्योति विकास बैंक बोन्ड २०८७" ऋणपत्र ९ प्रतिशत वार्षिक ब्याजदरले अर्धवार्षिक रुपमा ब्याज भुक्तानी गर्ने गरि १० वर्ष अवधिको लागि निष्काशन गरेको थियो।
ज्योति विकास बैंकले हाल १०५ शाखा कार्यालय, १ एक्सटेन्सन काउन्टर तथा ६१ वटा ATM मार्फत सेवा उपलब्ध गराउँदै आईरहेको छ।