ज्ञानमाण्डू। नेशनल हाइड्रो पावर कम्पनी लिमिटेडकाे भदाै १० गते हुने भनिएको विशेष साधारणसभा गणपूरक संख्या नपुगी स्थगित भएपछि कम्पनीको सञ्चालक समितिको बैठकले पुनः विशेष साधारणसभा भदौ १७ गते (आज) बोलाएको छ । कम्पनीले विशेष साधारण सभा डेलिश ओपेरा रेष्ट्रो एण्ड बैंक्वेट बालुवाटार, काठमाडौंमा बिहान ११:०० बजे देखि आरम्भ हुने जानकारी दिएको छ।
सभाले बोनश शेयर वितरण र सुनकोशी हाइड्रो पावर कम्पनी लि.को प्राप्ति पश्चात कायम हुन आउने चुक्ता पूँजीको ५० प्रतिशत हकप्रद शेयर जारी गर्न स्वीकृति प्रदान गर्नेछ।
हकप्रद शेयर र सुनकोशी हाइड्रो पावर कम्पनी लि.को प्राप्तिको कारणले कम्पनीको पूँजी वृद्धि हुने भएकाले सभाले कम्पनीको प्रबन्धपत्रको संशोधन गर्ने र साथै अन्य प्रस्तावहरु छलफल सहित पारित गर्ने कम्पनीले जनाएको छ ।
कम्पनीले साधारण सभाको प्रयोजनको लागि भदाै २ गते एक दिनको लागि बुक क्लोज गरिसकेकाे छ। सो आधारमा भदाै १ गतेसम्म कायम शेयरधनीले साधारण सभामा भाग लिन सक्नेछन् ।
