ज्ञानमाण्डू। हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेडको संस्थापक शेयर भदाै २० गते (आज) देखि लिलामी मार्फत विक्रीका लागि खुला भएकाे छ।
लिलामी मार्फत विक्री हुन लागेकाे कम्पनीकाे २ करोड ७८ लाख ९ हजार ४८० कित्ता शेयरकाे मूल्य प्रति कित्ता न्युनतम रु.१०० तोकिएको छ। यसअघि कम्पनीले साउन १५ गतेदेखि २९ गतेसम्म संस्थापक शेयर लिलामी गर्दा ४६ लाख ४ हजार ९८५ कित्ता मात्र बिकेको थियो । कम्पनीले सो अवधिमा विक्री नभएको २ करोड ३२ लाख ४ हजार ४९५ कित्ता शेयर अहिले पुनः लिलाम विक्री गर्न लागेको हो ।
उक्त संस्थापक शेयरहरु खरीद गर्न इच्छुक विद्यमान संस्थापकहरु वा योग्य जो कोही व्यक्ति तथा संगठित संस्थाहरुले असाेज ४ गते सम्ममा बोलपत्र आवेदन पेश गर्न सक्ने कम्पनीले जनाएकाे छ।
बोलपत्र पेश गर्दा न्यूनतम १०० कित्तादेखि अधिकतम सबै कित्ताका लागि आवेदन दिन सक्ने कम्पनीले बताएकाे छ ।
इच्छुक आवेदकले ग्लोबल आइएमई बैंक लिमिटेडको शाखा कार्यालयहरू विर्तामोड, हनुमानदास रोड-विराटनगर, जनकपुर, आर्दशनगर-वीरगंज, हेटौडा, नारायणगढ, न्यूरोड-पोखरा, बुटवल-मिलनचोक, बाग्लुङ्ग, नेपालगंज-त्रिभुवन चोक, सुर्खेत, घोराही-दाङ, धनगढी, महेन्द्रनगरमा आवेदन पेस गर्न सक्ने कम्पनीले जनाएकाे छ ।
यस कम्पनीको बिक्रि प्रबन्धक ग्लोबल आइएमई क्यापिटल लिमिटेड रहेको छ।
.jpg)
