ज्ञानमाण्डू। जे चाहिन्छ, त्यो पाइन्छ भन्ने नाराका साथ भर्खरै सञ्चालनमा आएको बिजबजार इकमर्स प्लेट फर्मको बागमती विशेष प्रदेश (काठमाडौँ, ललितपुर, भक्तपुर र काभ्रे जिल्लाहरू) को Authorized Business Partner मा साइन्टिफिक विजनेश हव प्रा.लि. नियुक्त भएको छ । यस सम्बन्धी सम्झौता पत्रमा बिजबजार र साइन्टिफिक विजनेश हव प्रा.लि. बीच हालै हस्ताक्षर भएको छ ।
उक्त सम्झौता पत्रमा बिजबजारका तर्फबाट फ्रेन्चाइज डिस्ट्रीब्यूशन अफिसर चिन्तामणि शर्मा र साइन्टिफिक विजनेश हवका तर्फबाट प्रमुख कार्यकारी अधिकृत उत्सव ढकालले हस्ताक्षर गर्नुभएको छ । यस क्षेत्रमा साइन्टिफिक विजनेश हव प्रा.लि. ले बिजबजारको व्यापार विस्तार तथा व्यापारिक रणनीतिक साझेदारकाे रूपमा काम गर्ने छ । बिजबजारले देशका ७७ वटै जिल्लाहरूबाट आफ्नो सेवा प्रवाह गर्ने उद्देश्यका साथ सातै प्रदेशमा आफ्ना Authorized Business Partner हरू नियुक्त गरिसकेको छ ।
