२६ वटै वाणिज्य बैङ्कहरूले आर्थिक वर्ष २०७९/८० को पहिलो त्रैमासको वित्तीय विवरण सार्वजनिक गरिसकेका छन्। ती मध्ये सर्वाधिक नाफा कमाउने एनआईसी एशिया बैङ्क, नबिल बैङ्क, सरकारी स्वामित्व रहेको राष्ट्रिय वाणिज्य बैङ्क, ग्लोबल आइएमई बैङ्क र नेपाल इन्भेष्टमेण्ट बैङ्क गरी ५ वटा वाणिज्य बैङ्कहरूलाई पहिलो त्रैमासको वित्तीय विवरणका आधारमा तुलना गर्ने प्रयास गरिएको छ ।
चुक्ता पुँजी: ग्लोबल आइएमई बैङ्कको सबै भन्दा बढी २३ अर्ब ७९ करोड रुपैयाँ चुक्ता पुँजी रहेको छ भने नबिल बैङ्कको २२ अर्ब ८३ करोड रुपैयाँ, नेपाल इन्भेष्टमेण्ट बैङ्कको १८ अर्ब ३० करोड रुपैयाँ, राष्ट्रिय वाणिज्य बैङ्कको १४ अर्ब ९४ करोड रुपैयाँ र एनआईसी एशिया बैङ्कको ११ अर्ब ५६ करोड रुपैयाँ चुक्ता पुँजी रहेको छ ।
निक्षेप सङ्कलन: ३ खर्ब ३४ अर्ब रुपैयाँ निक्षेप सहित नेपाल बङ्गलादेश बैङ्कलाई गाभेको नबिल बैङ्क निक्षेप सङ्कलनमा अगाडि रहेको छ भने एनआईसी एशिया बैङ्कले ३ खर्ब ४ अर्ब रुपैयाँ, ग्लोबल आइएमई बैङ्कले २ खर्ब ७९ अर्ब रुपैयाँ, राष्ट्रिय वाणिज्य बैङ्कले २ खर्ब ६१ अर्ब रुपैयाँ र नेपाल इन्भेष्टमेण्ट बैङ्कले १ खर्ब ९२ अर्ब रुपैयाँ निक्षेप सङ्कलन गरेका छन् ।
कर्जा लगानी: नेपाल इन्भेष्टमेण्ट बैङ्कले १ खर्ब ६८ अर्ब रुपैयाँ, राष्ट्रिय वाणिज्य बैङ्कले २ खर्ब १० अर्ब रुपैयाँ, एनआईसी एशिया बैङ्कले २ खर्ब ५९ अर्ब रुपैयाँ, ग्लोबल आइएमई बैङ्कले २ खर्ब ६१ अर्ब रुपैयाँ कर्जा लगानी गरेका छन् भने नबिल बैङ्कले ३ खर्ब ५ अर्ब रुपैयाँ कर्जा लगानी गर्दै कर्जा लगानीमा अघि रहेको छ ।
खुद ब्याज आम्दानी: नबिलले व्यवसाय विस्तारबाट सबै भन्दा बढी ३ अर्ब ६७ करोड रुपैयाँ खुद ब्याज आम्दानी गरेको छ। त्यस्तै एनआईसी एशिया बैङ्कले ३ अर्ब ४१ करोड रुपैयाँ, ग्लोबल आइएमई बैङ्कले ३ अर्ब २० करोड रुपैयाँ, राष्ट्रिय वाणिज्य बैङ्कले ३ अर्ब १८ करोड रुपैयाँ र नेपाल इन्भेष्टमेण्ट बैङ्कले २ अर्ब १२ करोड रुपैयाँ खुद ब्याज आम्दानी गरेका छन् ।
नाफा: एनआईसी एशिया बैङ्कले सबै भन्दा बढी १ अर्ब ७५ करोड रुपैयाँ नाफा कमाउन सफल भएको छ भने नबिल बैङ्कले १ अर्ब ५७ करोड रुपैयाँ, राष्ट्रिय वाणिज्य बैङ्कले १ अर्ब २४ करोड रुपैयाँ, ग्लोबल आइएमई बैङ्कले १ अर्ब १८ करोड रुपैयाँ र नेपाल इन्भेष्टमेण्ट बैङ्कले १ अर्ब १४ करोड रुपैयाँ नाफा कमाएको देखिन्छ ।
जगेडा कोष: नबिल बैङ्कको जगेडा कोषमा २७ अर्ब ५१ करोड रुपैयाँ रहेको छ भने राष्ट्रिय वाणिज्य बैङ्कको १६ अर्ब ६१ करोड रुपैयाँ, नेपाल इन्भेष्टमेण्ट बैङ्कको १५ अर्ब ९ करोड रुपैयाँ, ग्लोबल आइएमई बैङ्कको ११ अर्ब ५९ करोड रुपैयाँ र एनआईसी एशिया बैङ्कको ११ अर्ब १ करोड रुपैयाँ रहेको छ ।
सञ्चित मुनाफा: एनआईसी एशिया बैङ्कको सञ्चित मुनाफा ४ अर्ब २० करोड रुपैयाँ रहेको छ भने ग्लोबल आइएमई बैङ्कको ३ अर्ब ४५ करोड रुपैयाँ, राष्ट्रिय वाणिज्य बैङ्कको ३ अर्ब १७ करोड रुपैयाँ, नबिल बैङ्कको २ अर्ब ९१ करोड रुपैयाँ र नेपाल इन्भेष्टमेण्ट बैङ्कको १ अर्ब ८० करोड रुपैयाँ रहेको छ ।
वितरण योग्य मुनाफा: एनआईसी एशिया बैङ्कको सबै भन्दा बढी ४ अर्ब २० करोड रुपैयाँ वितरण योग्य मुनाफा रहेको छ भने ग्लोबल आइएमई बैङ्कको ३ अर्ब ४५ करोड रुपैयाँ, राष्ट्रिय वाणिज्य बैङ्कको ३ अर्ब १७ करोड रुपैयाँ, नबिल बैङ्कको २ अर्ब ९१ करोड रुपैयाँ र नेपाल इन्भेष्टमेण्ट बैङ्कको १ अर्ब ८० करोड रुपैयाँ वितरण योग्य मुनाफा रहेको छ ।
निष्कृय कर्जा: एनआईसी एशिया बैङ्कको निष्कृय कर्जा सबै भन्दा कम ० दशमलव ५९ प्रतिशत देखिन्छ भने नेपाल इन्भेष्टमेण्ट बैङ्कको १ दशमलव ५७ प्रतिशत, ग्लोबल आइएमई बैङ्कको २ दशमलव १० प्रतिशत, नबिल बैङ्कको २ दशमलव ३३ प्रतिशत र राष्ट्रिय वाणिज्य बैङ्कको २ दशमलव ४८ प्रतिशत निष्कृय कर्जा देखिन्छ ।
प्रति शेयर आम्दानी: ग्लोबल आइएमई बैङ्कको प्रति शेयर आम्दानी २० रुपैयाँ, नेपाल इन्भेष्टमेण्ट बैङ्कको २४ रुपैयाँ ९२ पैसा र नबिल बैङ्कको २७ रुपैयाँ १ पैसा रहेको छ भने एनआईसी एशिया बैङ्क प्रति शेयर आम्दानी ५९ रुपैयाँ ६२ पैसा सहित अघि छ ।
मूल्य आम्दानी अनुपात: एनआईसी एशिया बैङ्कको मूल्य आम्दानी अनुपात १०.२३ गुणा, नेपाल इन्भेष्टमेण्ट बैङ्कको १०.६३ गुणा र ग्लोबल आइएमई बैङ्कको १२.५७ गुणा छ भने नबिल बैङ्कको मूल्य आम्दानी अनुपात २९.३९ गुणा रहेको छ ।
नबिल बैङ्कले नेपाल बङ्गलादेश बैङ्कलाई गाभी गत आषाढ २७ देखि एकीकृत कारोबार सुरु गरेको थियो भने ग्लोबल आइएमई बैङ्क र बैङ्क अफ काठमाण्डू साथै नेपाल इन्भेष्टमेण्ट बैङ्क र मेगा बैङ्क नेपाल मर्जर प्रक्रियामा रहेका छन्।
डिस्क्लेमर: सार्वजनिक रूपमा उपलब्ध तथ्याङ्कबाट गरिएको यो विश्लेषण शैक्षिक उद्देश्यको लागि मात्र हो। यस पोस्टको सामग्री स्टक ट्रेडिंग उद्देश्यको लागि सख्त रूपमा निषेध गरिएको छ।
