ज्ञानमाण्डू।कृषि उपजको उत्पादन वृद्धि र लागत घटाउने उद्देश्यले चौरीदेउराली गाउँपालिका–५ वडा कार्यालयले कृषकलाई अनुदानमा कृषि औजार वितरण गरेको छ ।
कृषकलाई परम्परागत खेती प्रणालीको विकल्पमा यान्त्रिकीकरण र आधुनिकीकरण गर्न अग्रसर बनाउने उद्देश्यले वडा कार्यालयको ५० प्रतिशत अनुदानमा कृषि औजार वितरण गरेको हो ।
वडाका सबै कृषकलाई समेट्ने गरी पाँच/पाँच जनाको समूह बनाएर प्रति समूह एक मिनीटेलर गरी कूल ३० मिनीटेलर वितरण गरेको वडा नं ५ का वडाध्यक्ष राजकुमार गौतमले बताए । “गाउँमा काम गर्न सक्ने जनशक्ति विदेशिएर काम गर्ने मान्छे नभएपछि खेतीमा सहजता प्रदान गर्नका लागि ५० प्रतिशत अनुदानमा मिनीटेलर वितरण गरेका छौँ”, गौतमले भनेका छन् , “गोरु पाल्न छाडेको र काम गर्न सक्ने युवा अहिले प्रायः गाउँमा नभएका कारण खेती गर्न नसकेर जमिन बाँझो राख्न थालेपछि सहजताका लागि ४० हजार पर्ने औजारलाई रु २० हजार वडा कार्यालय र २० हजार किसान समूहले ब्यहोर्नेगरी औजार वितरण गरेका हौँ ।”
औजार वितरण गरेपछि काममा सहजता पनि हुने र काम गर्नेले पालैसँग जोत्दा रोजगार पनि पाउने भएकाले यान्त्रिकीकरणलाई जोड दिएको वडाध्यक्ष गौतमको भनाइ छ । यसै गरी वडा कार्यालयको अनुदानमा यहाँका मुख्य बस्तीमा सात कुटानी/पिसानी मिल वितरण गरेको छ । रु ४० हजार पर्ने मिल ५० प्रतिशत अनुदानमा गाउँका मुख्य बस्तीमा वितरण गरेको वडाध्यक्ष गौतमले बताए । वडाका बाँझे, तुसारे, पोखरीडाँडा, सुलिकोट, बिरुवा, रैकर र पञ्चकन्या टोलमा मिल वितरण गरिएको हो ।
त्यस्तै किसानको मागका आधारमा वडा कार्यालयले ५० प्रतिशत अनुदानमा ४० मौरीको घार पनि वितरण गरेको छ । चार हजार पर्ने घार ५० प्रतिशत अनुदानमा वितरण गरिएको वडाध्यक्ष गौतमले उल्लेख गरे । मौरी पालनका लागि गाउँपालिकाभरिकै उपयुक्त रहेको वडा नं ५ का किसानको मागलाई सम्बोधन गरेर घार वितरण गरिएको जनाइएको छ । त्यस्तै किसानलाई पाँच प्लास्टिक पोखरी र प्लास्टिक टनेल पनि वितरण गरिएको छ । किसानलाई कृषि कार्यमा उत्साह र उत्प्रेरणा प्रदान गर्न कृषि वस्तु उत्पादन र खेती प्रणालीमा सहजता प्रदान गर्न सहयोग गरिएको वडा कार्यालयले जनाएको छ ।
कृषि सामग्री वितरण कार्यक्रममा बोल्दै गाउँपालिकाका अध्यक्ष दीननाथ गौतमले गाउँपालिकालाई बिस्तारै औद्योगिकीकरण र यान्त्रिकीकरणलाई जोड दिएको जानकारी दिए । गाउँका किसानले उत्पादन गरेको वस्तुलाई बजारीकरण गर्न गाउँपालिकाले सहयोग गर्ने पनि उनले बताएका छन् । रासस
.jpeg?exif_rotate=y&no_disposition=y&name=PICTURE%20(1).jpeg&sid=YWVzX3NpZDp7ImFlc0tleUlkIjoiMTc4IiwiaG1hY0tleUlkIjoiMTc4IiwiaXZCYXNlNjQiOiJScHMzdlJnSGhDeTdHRUlZWWdqM21RPT0iLCJzaWRCYXNlNjQiOiJrM25QQUFCUE84YTN5TkJUVUtOZW94UFM3NGk4MFk0L1RJb2Y5V3ZmTjYrd1VFakI1dWhpVFRacHhzN2U2dU44b0xiMGNQNWI2OHA2bWVFdGpDVzRnQSs4OU9PKzZXMUVkRnREY1RuSm5kcjhWa3AvUU9QUE9oSDVzZzRiNGluTzJLRkxNNUszRUtnWkRRcTRQY1ljQXc9PSIsImhtYWNCYXNlNjQiOiJoSGRvNFd2cGlzeXNHeWZlb25yK1kxRTJpM296OE04NnQ1UzQ3OUxmbDlnPSJ9)
