ज्ञानमाण्डू। २७ वटै वाणिज्य बैङ्कहरूले आर्थिक वर्ष २०७८/७९ को चाैथाे त्रैमासको वित्तीय विवरण सार्वजनिक गरिसकेका छन्। ती मध्ये सर्वाधिक नाफा कमाउने सरकारी स्वामित्व रहेको राष्ट्रिय वाणिज्य बैङ्क, ग्लोबल आइएमई बैङ्क, नबिल बैङ्क, एनआईसी एशिया बैङ्क र नेपाल इन्भेष्टमेण्ट बैङ्क गरी ४ अर्ब माथि नाफा कमाउन सफल ५ वटा वाणिज्य बैंकहरुलाई चाैथाे त्रैमासको वित्तीय विवरणका आधारमा तुलना गर्ने प्रयास गरिएको छ ।
चुक्ता पुँजी: ग्लोबल आइएमई बैंकको सबै भन्दा बढि २३ अर्ब ७९ करोड रुपैयाँ चुक्ता पुँजी रहेको छ भने नबिल बैंककाे २२ अर्ब ८३ करोड रुपैयाँ, नेपाल इन्भेष्टमेण्ट बैङ्ककाे १८ अर्ब ३० करोड रुपैयाँ, राष्ट्रिय वाणिज्य बैङ्ककाे १४ अर्ब ६७ करोड रुपैयाँ र एनआईसी एशिया बैंककाे ११ अर्ब ५६ करोड रुपैयाँ चुक्ता पुँजी रहेको छ ।
निक्षेप संकलन: ३ खर्ब २६ अर्ब रुपैयाँ निक्षेप सहित नेपाल बङ्गलादेश बैंकलाई गाभेकाे नबिल बैंक निक्षेप संकलनमा अगाडि रहेको छ भने एनआईसी एशिया बैंकले २ खर्ब ८९ अर्ब रुपैयाँ, ग्लोबल आइएमई बैंकले २ खर्ब ७७ अर्ब रुपैयाँ, राष्ट्रिय वाणिज्य बैङ्कले २ खर्ब ५९ अर्ब रुपैयाँ र नेपाल इन्भेष्टमेण्ट बैङ्कले १ खर्ब ८४ अर्ब रुपैयाँ निक्षेप संकलन गरेका छन् ।
कर्जा लगानी: नेपाल इन्भेष्टमेण्ट बैङ्कले १ खर्ब ५७ अर्ब रुपैयाँ, राष्ट्रिय वाणिज्य बैङ्कले २ खर्ब १२ अर्ब रुपैयाँ, एनआईसी एशिया बैंकले २ खर्ब ५२ अर्ब रुपैयाँ, ग्लोबल आइएमई बैंकले २ खर्ब ५८ अर्ब रुपैयाँर कर्जा लगानी गरेका छन् भने नबिल बैंकले ३ खर्ब १ अर्ब रुपैयाँ कर्जा लगानी गर्दै कर्जा लगानीमा अघि रहेको छ ।
खुद ब्याज आम्दानी: एनआईसी एशिया बैंकले व्यवसाय विस्तारबाट सबै भन्दा बढि ११ अर्ब ७७ करोड रुपैयाँ खुद ब्याज आम्दानी गरेको छ। त्यस्तै ग्लोबल आइएमई बैंकले १० अर्ब ७४ करोड रुपैयाँ, राष्ट्रिय वाणिज्य बैङ्कले ९ अर्ब ६६ कराेड रुपैयाँ, नबिल बैंकले ९ अर्ब ४३ करोड रुपैयाँ र नेपाल इन्भेष्टमेण्ट बैङ्कले ५ अर्ब ९४ करोड रुपैयाँ खुद ब्याज आम्दानी गरेका छन् ।
नाफा: राष्ट्रिय वाणिज्य बैङ्कले सबै भन्दा बढि ५ अर्ब २१ करोड रुपैयाँ नाफा कमाउन सफल भएकाे छ भने ग्लोबल आइएमई बैंकले ५ अर्ब २१ करोड रुपैयाँ, नबिल बैंकले ४ अर्ब ९७ करोड रुपैयाँ, एनआईसी एशिया बैंकले ४ अर्ब ५२ करोड रुपैयाँ र नेपाल इन्भेष्टमेण्ट बैङ्कले ४ अर्ब ८ करोड रुपैयाँ नाफा कमाएको देखिन्छ ।
जगेडा कोष: नबिल बैंकको जगेडा कोषमा २६ अर्ब ३७ करोड रुपैयाँ रहेको छ भने राष्ट्रिय वाणिज्य बैङ्ककाे १५ अर्ब ५१ करोड रुपैयाँ, नेपाल इन्भेष्टमेण्ट बैङ्ककाे १४ अर्ब ६७ करोड रुपैयाँ, ग्लोबल आइएमई बैंकको १० अर्ब १५ करोड रुपैयाँ र एनआईसी एशिया बैंकको ९ अर्ब ७४ करोड रुपैयाँ रहेको छ ।
संचित मुनाफा: एनआईसी एशिया बैंकको संचित मुनाफा ३ अर्ब ८४ कराेड रुपैयाँ रहेको छ भने नबिल बैंककाे संचित मुनाफा ३ अर्ब ३७ कराेड रुपैयाँ, ग्लोबल आइएमई बैंकको ३ अर्ब १९ करोड रुपैयाँ, राष्ट्रिय वाणिज्य बैङ्ककाे ३ अर्ब ३ करोड रुपैयाँ र नेपाल इन्भेष्टमेण्ट बैङ्ककाे १ अर्ब २८ करोड रुपैयाँ रहेको छ ।
वितरण याेग्य मुनाफा: नबिल बैंककाे सबै भन्दा बढि ९ अर्ब १२ कराेड रुपैयाँ वितरण याेग्य मुनाफा रहेको छ भने ग्लोबल आइएमई बैंकको ३ अर्ब १९ कराेड रुपैयाँ, राष्ट्रिय वाणिज्य बैङ्ककाे ३ अर्ब ३ करोड रुपैयाँ, एनआईसी एशिया बैंककाे २ अर्ब २४ करोड रुपैयाँ र नेपाल इन्भेष्टमेण्ट बैङ्ककाे २ अर्ब ३ करोड रुपैयाँ वितरण याेग्य मुनाफा रहेको छ ।
निस्क्रिय कर्जा: एनआईसी एशिया बैंकको निस्क्रिय कर्जा सबै भन्दा कम ० दशमलव ४९ प्रतिशत देखिन्छ भने ग्लोबल आइएमई बैंकको १ दशमलव २२ प्रतिशत, नेपाल इन्भेष्टमेण्ट बैङ्ककाे १ दशमलव ४७ प्रतिशत, नबिल बैंकको १ दशमलव ५४ प्रतिशत र राष्ट्रिय वाणिज्य बैङ्ककाे २ प्रतिशत निस्क्रिय कर्जा देखिन्छ ।
प्रति शेयर आम्दानी: ग्लोबल आइएमई बैंकको प्रति शेयर आम्दानी २१ रुपैयाँ ८८ पैसा, नेपाल इन्भेष्टमेण्ट बैङ्ककाे २२ रुपैयाँ ३२ पैसा र नबिल बैंककाे २६ रुपैयाँ ८० पैसा रहेकाे छ भने एनआईसी एशिया बैंक प्रति शेयर आम्दानी ३९ रुपैयाँ १३ पैसा सहित अघि छ ।
मूल्य आम्दानी अनुपात: ग्लोबल आइएमई बैंकको मूल्य आम्दानी अनुपात ११.४९ गुणा, नेपाल इन्भेष्टमेण्ट बैङ्ककाे ११.८७ गुणा र एनआईसी एशिया बैंकको १७.७९ गुणा छ भने नबिल बैंकको मूल्य आम्दानी अनुपात ३७.८१ गुणा रहेकाे छ ।
नबिल बैङ्कले नेपाल बङ्गलादेश बैङ्कलाई गाभी गत आषाढ २७ देखि एकीकृत कारोबार सुरु गरी सकेको छ भने ग्लोबल आइएमई बैङ्क र बैङ्क अफ काठमाण्डू साथै नेपाल इन्भेष्टमेण्ट बैङ्क र मेगा बैङ्क नेपाल मर्जर प्रक्रियामा रहेका छन्।
डिस्क्लेमर: सार्वजनिक रूपमा उपलब्ध तथ्याङ्कबाट गरिएको यो विश्लेषण शैक्षिक उद्देश्यको लागि मात्र हो। यस पोस्टको सामग्री स्टक ट्रेडिंग उद्देश्यको लागि सख्त रूपमा निषेध गरिएको छ।
.jpg)
