ज्ञानमाण्डू। डिप्राेक्स लघुवित्त वित्तीय संस्था लिमिटेडको नाफा १२.११ प्रतिशतले घटेकाे छ । आ.व. २०७७/७८ को चौथो त्रैमास सम्ममा लघुवित्तले ६५ कराेड ३१ लाख रुपैयाँ नाफा कमाएको थियो भने आ.व. २०७८/७९ को चौथो त्रैमास सम्ममा लघुवित्तले ५७ कराेड ४० लाख रुपैयाँ नाफा कमाएको देखिन्छ ।
१ अर्ब १५ करोड ६२ लाख रुपैयाँ चुक्ता पुँजी रहेको डिप्राेक्स लघुवित्तले १८ अर्ब ३४ करोड ४७ लाख रुपैयाँ कर्जा लगानी गरेको छ। त्यस्तै, डिप्राेक्स लघुवित्तले ७ अर्ब ९६ करोड ११ लाख रुपैयाँ सापटी लिएको छ भने जगेडा कोषमा ९२ करोड ६१ लाख रुपैयाँ रहेको छ।
डिप्राेक्स लघुवित्तको व्यवसाय विस्तारबाट हुने खुद ब्याज आम्दानी ३.४५ प्रतिशतले बढेर १ अर्ब ३८ करोड ५३ लाख रुपैयाँ पुगेको छ । लघुवित्तमा निष्क्रिय कर्जा अनुपात १.०३ प्रतिशत छ । लघुवित्तको प्रतिशेयर आम्दानी ४९ रुपैयाँ ६५ पैसा रहेको छ भने प्रतिशेयर नेटवर्थ २६७ रुपैयाँ १९ पैसा छ र पछिल्लाे काराेबार मूल्य रू ९७८ काे आधारमा मूल्य आम्दानी अनुपात १९.६९ गुणा रहेको छ ।
